«Սելտայի» դեմ երկուսի հիանալի խաղն էլ ձախ պաշտպանի դիրքում նրանց այժմ վեր է դասում է Կամավինգայից և Կարերասից՝ Գվարդիոլայի թիմի դեմ մրցելու համար:

«Ռեալ Մադրիդն» արդեն մտածում է չորեքշաբթի օրը կայանալիք Չեմպիոնների լիգայի «Սիթիի» դեմ առաջին հանդիպման մասին։ Արբելոան Վիգոյում կայացած խաղում հասավ ծանր հաղթանակի, ինչը նրան ոչ միայն շնչելու հնարավորություն և վստահություն տվեց, այլև ամրապնդեց նրա հավատը սեփական ընտրության հանդեպ՝ հաշվի առնելով բազմաթիվ բացակաները (տասը վնասվածք ստացած կամ որակազրկված խաղացող)։

«Սելտայի» դեմ խաղը կարող է հետևանքներ ունենալ «Սիթիի» դեմ մեկնարկային կազմը որոշելիս։ Կան երկու խաղացողներ, որոնց շանսերը կտրուկ աճել են։ Մեկը Տիագո Պիտարչն է, ով արդեն երկրորդ անգամն է հայտնվում մեկնարկային կազմում, իսկ մյուսը՝ Ֆերլան Մենդին։ Ֆրանսիացու դեպքն ավելի զարմանալի է, քանի որ նրան բավականացրեց ընդամենը մեկ խաղ՝ գրեթե ողջ մրցաշրջանը բաց թողնելուց հետո, լուրջ հայտ ներկայացնելու համար։ Նա մեկնարկային կազմում չէր հայտնվել նախորդ տարվա նոյեմբերի 26-ից («Օլիմպիակոսի» դեմ խաղից) ի վեր։

Հաղթողներ և պարտվողներ

Այս իրավիճակն ունի նաև իր «պարտվողները»։ Նրանցից մեկը Կամավինգան է, ով դուրս մնաց Վիգո մեկնողների ցուցակից ատամի ցավի պատճառով, որն ավելի երկար տևեց, քան սպասվում էր։ Մյուսը Կարերասն է, ում խաղը Արբելոայի օրոք տատանումներ ունի (ինչպես ժամանակին Խաբի Ալոնսոյի օրոք)։ Թեև նախկին «Բենֆիկայի» խաղացողը սկզբում դիտվում էր որպես հիմնական ձախ պաշտպան «Սիթիի» դեմ խաղի համար, Մենդիի ելույթից հետո դա այլևս միանշանակ չէ։

Արբելոայի խոսքերը Մենդիի մասին

«Նա երկար ժամանակ չէր խաղացել։ Մենք ռիսկի դիմեցինք, քանի որ 90 րոպե խաղալն այդքան դադարից հետո իդեալական չէ։ Բայց նա ապացուցեց, որ ամեն անգամ, երբ ինքը դաշտում է, «Մադրիդի» համար հաղթելն ավելի հեշտ է դառնում»։

Մենդին նաև փորձառություն է հաղորդում։ Իր լավագույն մարզավիճակում նա Անչելոտտիի օրոք արդեն ապացուցել է, որ չկա ավելի ուժեղ պաշտպան իր գոտում, հատկապես հիշելով «Սիթիի» դեմ այն պատմական հանդիպումը, որտեղ նա մղձավանջ դարձավ բոլոր հարձակվողների համար։

Տիագո Պիտարչի գործոնը

Արբելոայի վստահությունը Տիագոյի հանդեպ նոր չէ։ Նա նրան հնարավորություն է տվել թե՛ պատանեկան թիմում, թե՛ «Կաստիլյայում», իսկ հիմա՝ հիմնական թիմում։ Մենդիի հետ միասին նրանք կարող են դառնալ ձախ թևի շատ հուսալի զույգ՝ «Բեռնաբեուում» Գվարդիոլայի հարձակողական ոճին դիմակայելու համար։