Բրազիլացին իր սոցիալական հաշիվներում լուսանկար է հրապարակել և առեղծվածային մեկնաբանություն թողել

«Ռեալ Մադրիդը» հաղթեց «Մեստալիա» մարզադաշտում՝ առավելության հասնելով «Վալենսիայի» նկատմամբ և այսպիսով շարունակելով պայքարը Լա Լիգայի տիտղոսի համար՝ «Բարսելոնայից» հետ մնալով ընդամենը մեկ միավորով։ Այդ խաղին որակազրկման պատճառով չմասնակցեց Վինիսիուսը, սակայն դա չխանգարեց նրան արձագանքել իր թիմի հաղթանակին։

Բրազիլացի հարձակվողը չկարողացավ ներկա գտնվել մի մարզադաշտում, որտեղ տեղի են ունեցել իր՝ Իսպանիա գալուց ի վեր ամենասկանդալային դրվագներից մի քանիսը՝ կապված «Վալենսիայի» երկրպագուների հետ մշտական բախումների հետ։ Ռասիստական վանկարկումներ և վիրավորանքներ, որոնք խաղացողը միշտ փորձել է դատապարտել։

Անցյալ կիրակի նա բացակայում էր որակազրկման պատճառով, բայց դա նրան չկանգնեցրեց սոցիալական հարթակներում արձագանքելուց։ Վինիսիուսը հրապարակեց «Վալենսիայի» դեմ «Ռեալի» հաղթանակի պաստառը և ավելացրեց․ «Pegamos!!!!» (հարվածեցինք/հաղթեցինք), որին հաջորդում էր ծիծաղող էմոջի։

Վինիսիուսը կվերադառնա խաղադաշտ այս շաբաթ օրը՝ «Սանտիագո Բեռնաբեու» մարզադաշտում կայանալիք «Ռեալ Սոսիեդադի» դեմ խաղում։