Իսպանիայի գավաթի 1/8 եզրափակիչի՝ «Ալբասետե» – «Ռեալ» (3:2) հանդիպման ժամանակ, տանտերերի երրորդ գոլի տոնակատարության ընթացքում մի երկրպագու տրիբունայից բանանի կեղև էր նետել Վինիսիուս Ժունիորի ուղղությամբ։ Այն չէր դիպել խաղացողին, և որոշ ժամանակ անց կեղևը հեռացվել է խաղադաշտից։ Ավելի ուշ ոստիկանությունը պարզել էր խախտողի ինքնությունը, իսկ նրա գործողությունները գնահատվել են որպես ռասիզմի ակնհայտ դրսևորում։
Marca-ի հաղորդմամբ՝ սպորտում բռնության, ռասիզմի, քսենոֆոբիայի և անհանդուրժողականության դեմ պայքարի պետական հանձնաժողովը երկրպագուի գործողությունները համարում է լուրջ խախտում։
Հանձնաժողովի նիստում առաջարկվել է խախտողին տուգանել 5000 եվրոյով և մեկ տարվա ընթացքում արգելել նրա մուտքը մարզական միջոցառումների։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
