«Ռեալ Մադրիդը» 8-րդ անընդմեջ հաղթանակն է տանում Պրիմերայում

«Ռեալ Մադրիդը» Լա Լիգայի առաջին 24 տուրերից հետո վաստակել է 60 միավոր. սա պատմության մեջ 3-րդ լավագույն արդյունքն է՝ 2010/11, 13/14 և 14/15 մրցաշրջանների հետ մեկտեղ: Միայն 2023/24 և 2011/12 մրցաշրջաններում է թիմն ավելի շատ միավոր վաստակել (համապատասխանաբար 61 և 64):

 Արբելոան «Մադրիդի» պատմության մեջ 7-րդ մարզիչն է, ով Լա Լիգայի առաջին 5 խաղերում 5 հաղթանակ է տարել թիմի ղեկին: Նախկինում այս նվաճմանը հասել էին Բեռաոնդոն, Է. Ֆերնանդեսը, Կարնիլյին, Լուշեմբուրգուն, Պելեգրինին և Ալոնսոն:

«Ռեալ Մադրիդը» պատմության մեջ առաջին թիմն է, որը Պրիմերայի առաջին 24 տուրերի արդյունքներով 11 գոլ է խփել 11-մետրանոց հարվածներով:

Լա Լիգայի ընթացիկ խաղարկությունում «Մադրիդի» օգտին նշանակվել է 13 11-մետրանոց. սա ամենաբարձր ցուցանիշն է Եվրոպայի թոփ-5 առաջնություններում հանդես եկող թիմերի շարքում: Այս վարկանիշում երկրորդ տեղը զբաղեցնում է «Բավարիան» (9):

Վինիսիուսը Լա Լիգայում իր նորամուտից ի վեր վաստակել է 14 տուգանային հարված: Բրազիլացին այս ցուցանիշով զբաղեցնում է երկրորդ հորիզոնականը, առաջինում Բուդիմիրն է (15):

Վինիսիուսը «Մադրիդի» առաջին խաղացողն է 1951 թվականից ի վեր, ով Լա Լիգայի մեկ խաղում և՛ վաստակել է, և՛ իրացրել 2 տուգանային հարված: Գրեթե 75 տարի առաջ այս նվաճմանը հասել էր Մոլովնին:

Կուրտուան տարավ իր 150-րդ հաղթանակը Լա Լիգայում՝ «Մադրիդի» կազմում:

Ընթացիկ մրցաշրջանի բոլոր մրցաշարերում «Մադրիդի» այն 8 խաղերում, որոնցում Գոնսալոն գոլ է խփել, Մբապեն կա՛մ չի խաղացել (5), կա՛մ դուրս չի եկել մեկնարկային կազմում (3):