Անգլիացիները տարան երեք միավորը, բայց դա եղավ միայն նվազագույն հաշվով մի խաղում, որտեղ «Ռեալի» դարպասապահը կատարեց 8 սեյվ՝ իր մրցաշրջանի երկրորդ լավագույն արդյունքը (Աշխարհի ակումբային առաջնությունում «Պաչուկայի» դեմ խաղում կատարած 10 սեյվից հետո):

Կուրտուայի տվյալները «Էնֆիլդում» եզակի դեպք չեն 25-26 մրցաշրջանի Չեմպիոնների լիգայում: Բելգիացին ավարտել է եվրոպական մրցաշարի առաջին փուլը որպես երկրորդ ամենաշատ սեյվեր կատարած դարպասապահ՝ ընդհանուր 43 սեյվ 8 խաղում, ինչը տալիս է միջինը 5,3 միջամտություն մեկ խաղի ընթացքում: Հենց անցյալ չորեքշաբթի «Դա Լուժում» նա ստիպված եղավ միջամտել 7 անգամ՝ փորձելով կասեցնել «Բենֆիկայի» անթիվ գրոհները մադրիդցիների տուգանային հրապարակում:

Չնայած ևս մեկ փայլուն ելույթի, նա բաց թողեց չորս գոլ մի պարտության մեջ, որը «Ռեալին» դուրս թողեց լավագույն 8-նյակից և ստիպեց «սերուցքայիններին» խաղալ 1/8 եզրափակիչի ուղեգրի համար փլեյ-օֆֆում՝ նույն մրցակցի՝ Ժոզե Մոուրինյոյի գլխավորած թիմի դեմ:

Չեմպիոնների լիգան լարվածության մեջ է պահում Կուրտուային, ում ամենահանգիստ օրերը եղել են «Կայրաթի», «Յուվենտուսի» և «Մարսելի» դեմ խաղերը, որոնցում նա կատարել է 4 սեյվ: Ավելի շատ ջանք նրանից պահանջեց «Սիթին» (6 սեյվ)՝ լրացնելով միջամտությունների տպավորիչ միջին ցուցանիշը։

Ավելի հանգիստ առաջնությունում

Կուրտուայի եռուզեռը Չեմպիոնների լիգայում հակասում է նրա հարաբերական անդորրին առաջնությունում, որտեղ նա գլխավորում է «Սամորա» մրցանակի համար պայքարը՝ մեկ խաղում բաց թողնելով միջինը 0,82 գոլ: Բացի դրանից, Իսպանիայի առաջնության 22 խաղերում նա ստացել է ընդամենը 49 հարված դարպասին՝ միջինը 2,2 մեկ խաղում:

Լիգայի առնվազն 15 դարպասապահ ավելի շատ հարված է ընդունել, քան Տիբոն, իսկ ամենաշատ ծանրաբեռնվածը Աարոն Էսկանդելն է («Օվիեդո»)՝ ընդհանուր 102 սեյվով: 

Բելգիացու այս «երկակի կյանքը» արտացոլում է Մադրիդի «Ռեալի» երկու տարբեր իրականությունները այս մրցաշրջանում: