Վալդեբեբասում շատերը պատանի Դիեգո Լակոստայի մեջ տեսնում են նոր Ֆեդե Վալվերդեին

Ֆեդե Վալվերդեին «Պենյարոլում» կնքեցին «El Pajarito» (Թռչնակ) մականվամբ։ Այն տվեց նրա մարզիչներից մեկը, ում տղայի երկար ու նիհար ոտքերը և վազքի ոճը հիշեցնում էին թռչնակի, որը կարծես սավառնում էր դաշտի վրայով։ Այս պատկերը կրկին հայտնվել է Վալդեբեբասում, որտեղ մի նոր «Թռչնակ» է սավառնում ակադեմիայում։

Խոսքը 17-ամյա պատանի Դիեգո Լակոստայի մասին է, ում կազմվածքն ու խաղաոճը շատ են հիշեցնում Վալվերդեին, և ով այս մրցաշրջանի գլխավոր հայտնություններից է մադրիդյան մանկապատանեկան թիմերում։

Լակոստան, ինչպես Ֆեդեն, բարձրահասակ կազմվածքով և հզոր քայլքով կիսապաշտպան է։ Նրա ֆիզիկական և տեխնիկական տվյալները թույլ են տալիս զբաղեցնել ցանկացած դիրք կիսապաշտպանության կենտրոնում։ Նա ուժեղ է մենամարտերում, իր ֆիզիկական պատրաստվածության շնորհիվ ընդգրկում է դաշտի մեծ հատված, ունի լավ տիրապետում խաղի կազմակերպման համար, հզոր հարված, միանում է գրոհներին երկրորդ գծից և ունի խաղի հիանալի տեսողություն։

Պատանեկան աշխարհի առաջնությունը՝ բեկումնային կետ

Դիեգո Լակոստայի համար սա La Fábrica-ում վերջնական վերելքի մրցաշրջանն է։ Ակադեմիայում անցկացրած հինգ տարիներից հետո այս տարին նրան դարձնում է «սերուցքայինների» ակադեմիայի գլխավոր գոհարներից մեկը։ Նա մրցաշրջանը սկսեց «Juvenil B»-ում և արդեն հաստատվել է որպես «Real Madrid C»-ի հիմնական կազմի խաղացող, նույնիսկ նորամուտն է նշել «Կաստիլիայում»՝ Արբելոայի գլխավորությամբ։ Նրա առաջընթացը կայծակնային է, և ակումբը չի վարանել նրա առջև նոր մարտահրավերներ դնել։

Ամառը վճռորոշ էր նրա վերելքի համար։ Մարկոս Խիմենեսի գլխավորությամբ նա փայլեց պատանեկան աշխարհի ակումբային առաջնությունում, որտեղ «Ռեալը» հասավ կիսաեզրափակիչ։

Գոլ դերբիում և հիմնական կազմ «Ռեալ Մադրիդ C»-ում

Այդ մրցաշարից հետո Լակոստան, ով Մ17 հավաքականի անդամ է, վերադարձավ այլ կարգավիճակով։ Նա հայտնվեց Խուլիան Լոպես դե Լերմայի տեսադաշտում, ով նրան հնարավորություն տվեց նորամուտը նշել։ Youth League–ում նա փոխարինման դուրս եկավ «Օլիմպիակոսի» դեմ խաղում՝ վաստակելով 11-մետրանոց, իսկ «Սիթիի» դեմ վերջին տուրում արդեն մեկնարկային կազմում էր։ Քիչ առաջ նա իր վերջին մեծ ծառայությունը մատուցեց «Juvenil B»-ին՝ հաղթական գոլը խփելով «Ատլետիկոյի» դեմ դերբիում (0-1)։

Լակոստայի անունը Վալդեբեբասում ավելի ու ավելի բարձր է հնչում։ Նրա ֆիզիկական և մտավոր հասունությունը, մեծ անհատականությունն ու մրցակցային բնավորությունը (որոնք Ֆեդե Վալվերդեի հիմնական առանձնահատկություններն են) թույլ տվեցին նրան ընդունել «Real Madrid C»-ի մարտահրավերը։ Դեկտեմբերից նա արդեն երկրորդ փոխարինող թիմի կազմում է, որտեղ անցկացրել է հինգ խաղ, վերջին երկուսը՝ մեկնարկային կազմում։ «Ինտերսիթիի» դեմ վերջին հաղթական խաղում նա ոչ միայն հիմնական կազմում էր, այլև անցկացրեց ամբողջ հանդիպումը։ «La Fábrica»-ի նոր «Թռչնակը» շարունակում է իր թռիչքը։