Մյունխենի «Բավարիայի» հարձակվող Հարի Քեյնը գլխավորում է 2025/2026 մրցաշրջանի «Ոսկե խաղակոշիկի» հավակնորդների վարկանիշային աղյուսակը։
Ֆուտբոլիստը Գերմանիայի առաջնությունում խփել է 30 գոլ, որոնց դիմաց ստացել է 60 միավոր։ «Ռեալի» հարձակվող Կիլիան Մբապեն անգլիացուց հետ է մնում 14 միավորով (23 գոլ)։ Վարկանիշային աղյուսակի լավագույն եռյակը եզրափակում է «Մանչեսթեր Սիթիի» հարձակվող Էրլինգ Հալանդը՝ 22 գոլ և 44 միավոր ցուցանիշով։
Միավորների հաշվարկման համակարգը հետևյալն է․ ֆուտբոլիստի՝ առաջնությունում խփած գոլերի քանակը բազմապատկվում է տվյալ առաջնության գործակցով։ Եվրոպայի հինգ ուժեղագույն ազգային առաջնություններում խփած յուրաքանչյուր գոլ գնահատվում է 2 միավոր, 6-րդից 21-րդ տեղ զբաղեցնող առաջնություններում՝ 1,5 միավոր, իսկ մնացած առաջնություններում՝ 1 միավոր։
2024/2025 մրցաշրջանի «Ոսկե խաղակոշիկը» նվաճել էր Կիլիան Մբապեն։ 26-ամյա ֆուտբոլիստը «Լա Լիգայի» իր դեբյուտային մրցաշրջանում դարձել էր 31 գոլի հեղինակ։
ՌԵԱԼ ՄԱԴՐԻԴ 
Հայերեն 
English 
