Պատրիս Էվրան՝ 44-ամյա նախկին ֆրանսիացի ֆուտբոլիստը, «Carrusel Canalla»-ի եթերում իր կարծիքն է հայտնել Զիզուի մասին.

«Դեշամն իմ եղբայրն է, և այս տարի աշխարհի առաջնության տարի է, բայց այո՛, ես երջանիկ կլինեի, եթե Զիդանը դառնար հավաքականի մարզիչը: Բոլորը սիրում են Զիզուին, նա Փարիզի Էյֆելյան աշտարակի պես է»։

Էվրայի մտքերը կարիերայի և կարգապահության մասին

Էվրան, ով խաղացել է այնպիսի ակումբներում, ինչպիսիք են «Մանչեսթեր Յունայթեդը» և «Յուվենտուսը», նշել է.

Փողոցի դպրոցը. «Ես ոչ մի ֆուտբոլային ակադեմիա չեմ գնացել, ամեն ինչ սովորել եմ փողոցում»։

Հաջողության բանաձևը. «Ուզում եմ, որ բոլորն էլ հնարավորություն ունենան։ Մարդիկ պետք է հավատան, որ կյանքում ամեն ինչ հնարավոր է՝ կրքի, զոհողության և կարգապահության շնորհիվ»։

Կարծիքը «Ռեալ Մադրիդի» և Արբելոայի մասին

Խոսելով Մադրիդի «Ռեալի» ներկայիս իրավիճակի մասին՝ Էվրան շեշտել է ճնշման գործոնը.

«Հիմա այնտեղ Արբելոան է։ Թիմը կայուն չէ, Մադրիդում դու ժամանակ չունես. դու պետք է հաղթես, որովհետև մարդիկ քեզ «կսպանեն», եթե նույնիսկ մեկ խաղ պարտվես»։

«Երբ պայմանագիր ես ստորագրում «Ռեալի» հետ, դու գիտես, որ կա մի ճնշում, որից պետք է կարողանաս հաճույք ստանալ»։