Հեռուստախցիկները ուղիղ եթերում ֆիքսել են նրա դժգոհության բացահայտ ժեստերը: Բարկացած և մռայլ դեմքով. «Միշտ ես, միշտ ես»,– կարծես անգլերեն արտասանում է նա (ըստ հեռուստատեսային մեկնաբանների), միևնույն ժամանակ զայրույթով հանելով ձեռնոցները: Ինչևէ, Գյուլերը կրում է մի «բարդույթ», որն ուներ նաև Խաբիի օրոք. նա գրեթե երբեք խաղը մինչև վերջ ավարտին չի հասցնում, երբ դուրս է գալիս մեկնարկային կազմում:

Խաղի 79-րդ րոպեն էր, հաշիվը՝ 3։2 հօգուտ մրցակցի, և Արբելոան միանգամից սպառեց իր փոփոխությունները: Ալաբան, Սեստերոն և Բրահիմը փոխարինեցին Հաուսենին, Կարերասին և նրան: Գյուլերը, ով անկյունայինների մասնագետ է, պատրաստվում էր իրացնել հերթական հարվածը, երբ տեսավ իր համարը փոխարինման տախտակի վրա և զայրացավ: Գնդակը վերջում խաղի մեջ մտցրեց Ռոդրիգոն:

Թվերով

3 խաղ – Այսքան անգամ է Գյուլերը խաղացել ամբողջական 90 րոպե՝ այն 25 դեպքից, երբ եղել է մեկնարկային կազմում:

12 ասիստ – Այսքան գոլային փոխանցում ունի Գյուլերն այս մրցաշրջանում, որոնցից 8-ը՝ Մբապեին:

Գյուլերը (20 տ․) մարզչի փոփոխությունից ամենաշատ շահած խաղացողներից մեկն էր: Նա պահեստայիններում էր մնացել 2026-ի առաջին երեք խաղերում՝ Խաբի Ալոնսոյի վերջին օրերին: Արբելոայի գալուստով նա հաստատվեց մեկնարկային կազմում՝ 5 խաղից 4-ում լինելով հիմնական կազմի խաղացող: 

Չնայած իր զայրույթին, Գյուլերը Լիսաբոնից հեռացավ Մբապեին տված գոլային փոխանցմամբ (3։2 հաշվի ժամանակ): Դա նրա 8-րդ փոխանցումն էր ֆրանսիացի աստղին այս մրցաշրջանում և 12-րդը՝ ընդհանուր առմամբ: Նա թիմի առաջատարն է այս ցուցանիշով. Գյուլերը գոլային փոխանցում է կատարում միջինը յուրաքանչյուր 170 րոպեն մեկ, բայց այս թվերը բավարար չեղան նրան դաշտում թողնելու համար։