«Լիվերպուլը» հունվարին պատրաստվում է վաճառել Մոհամեդ Սալահին, հայտնում է indykaila News-ը X սոցիալական ցանցում ։
Սալահը բաց է տարբեր տարբերակների համար՝ պատրաստ է քննարկել «Բարսելոնա», «Ռեալ» կամ «Բավարիա» տեղափոխությունները, սակայն Սաուդյան Արաբիայի առաջարկը կարող է գրավիչ լինել։
Ավելի վաղ եգիպտոսցի վինգերը քննադատել էր անգլիական ակումբի գլխավոր մարզիչ Առնե Սլոտին և հայտնել իր դժգոհությունը թիմում իր դերից։ Ֆուտբոլիստը երեք հանդիպում անընդմեջ չի սկսել մեկնարկային կազմում։ Դրանից հետո հարձակվողը չընդգրկվեց Չեմպիոնների լիգայի՝ «Ինտերի» դեմ խաղի հայտացուցակում։
Այս մրցաշրջանում Սալահը «Լիվերպուլի» կազմում անցկացրել է 19 խաղ, որոնցում խփել է 5 գոլ և կատարել 3 գոլային փոխանցում։ Հարձակվողի գործող պայմանագիրն ակումբի հետ նախատեսված է մինչև 2027 թ. ամառը։
Fanat, Realmadrid.am
ՌԵԱԼ ՄԱԴՐԻԴ 
Հայերեն 
English 
