Հայտնի է «Ռեալի» մրցակիցը՝ փլեյ–օֆֆի անցումային խաղերում

30.01.2026

1793 0

Շվեյցարիայի Նիոն քաղաքում կայացավ Չեմպիոնների լիգայի փլեյ–օֆֆի անցումային խաղերի վիճակահանությունը։

Ընդհանուր փուլում 1–ից 8–րդ տեղերը զբացեցրած թիմերն ավտոմատ կերպով նվաճել էին մրցաշարի 1/8 եզրափակիչի ուղեգիր, իսկ «Ռեալն» այդ փուլն ավարտել էր 9–րդ հորիզոնականում, ուստի 1/8 եզրափակիչի ուղեգիր նվաճելու համար երկխաղյա դիմակայությունում կմրցի «Բենֆիկայի» դեմ։

Հիշեցնենք, որ «Բենֆիկան» դարձավ փլեյ-օֆֆի վերջին մասնակիցը՝ զբաղեցնելով դասակարգման աղյուսակի 24-րդ հորիզոնականը՝ 9 միավորով և հինգ պարտությամբ: «Ֆեներբախչեի», «Նապոլիի» և «Ռեալ Մադրիդի» նկատմամբ տարած հաղթանակները թույլ տվեցին նրանց հայտնվել մրցաշարի հաջորդ փուլում:

Առաջին հանդիպումը կկայանա մրցակցի հարկի տակ փետրվարի 17/18-ին, իսկ պատասխան խաղը՝ «Բեռնաբեուում»՝ նույն ամսվա 24/25-ին:

Անցումային խաղերը հաղթահարելու դեպքում «սերուցքայինները» 1/8 եզրափակիչում կմրցեն «Մանչեսթեր Սիթիի» կամ «Սպորտինգի» հետ։ Այդ փուլի վիճակահանությունը կկայանա փետրվարի 27–ին։