Ֆրանկո Մաստանտուոնոն կշարունակի ելույթները «Ռեալում»։ Այս մասին հայտնում է Marca-ն։

18-ամյա հարձակվողի շուրջ իրավիճակը հետաքրքրել է մի շարք եվրոպական ակումբների, այդ թվում՝ «Նապոլիին», որը ուսումնասիրում էր ֆուտբոլիստին վարձակալելու տարբերակը, սակայն «Արքայական ակումբը»  հրաժարվել է այդ սցենարից՝ նույնիսկ չքննարկելով պաշտոնական առաջարկը։

Արգենտինացին դիտարկվում է որպես «Ռեալի» երկարաժամկետ ծրագրերի կարևոր բաղադրիչ։ Ակումբում լիովին վստահ են ֆուտբոլիստի ներուժին՝ հաշվի առնելով նրա ելույթները «Ռիվեր Փլեյթում»։

Նոյեմբերի 3-ին ստացած աճուկի վնասվածքից հետո Մաստանտուոնոն գրեթե խաղաժամանակ չի ստացել, սակայն շարունակում է ձգտել հաջողության հասնել թիմի կազմում։

Ակումբը չի շտապում արագացնել ֆուտբոլիստի վերադարձը՝ վնասվածքի կրկնությունից խուսափելու համար։ Միևնույն ժամանակ նշվում է, որ Ֆրանկոն մտադիր է վերադառնալ 2026 թվականի սկզբին։

Մաստանտուոնոն «Ռիվերի Փլեյթից» 63,2 մլն եվրոյով տեղափոխվելուց հետո մադրիդյան գրանդի կազմում անցկացրել է 14 հանդիպում և դարձել 1 գոլի հեղինակ։

Fanat, Realmadrid.am